Шкупи е подготвен за пресметката со Левски (ФОТО)

Македонскиот претставник Шкупи утревечер (21 часот) на арената „Тодор Проески“ во Скопје го пречекува бугарскиот тим Левски во прва пресметка од второто квалификациско коло во Конференциската лига на УЕФА. Тимот од Чаир е подготвен за надигрување и посакува триумф, да обезбеди позитива во пресрет на реваншот во Софија.

Тренерот Чихат Арслан истакна дека има максимален респект за Левски, но истовремено и апсолутна доверба во квалитетите на своите избраници.