Италија ќе биде домаќин на Македонија на „Олимпико“ во Рим. Фудбалската федерација на Италија го избра „вечниот град“ за домаќин на квалификациски меч за ЕП 2024 во ноември против нашиот национален тим.
Откако во Палермо доживеаја голем шок и Македонија го урна нивните надежи за пласман на СП во Катар, сега „аѕурите“ го избраа Рим за свој дом за овој квалификациски натпревар. Тој меч треба да се одигра на 17 ноември.
Македонија ќе ја пречека Италија на 9 септември во Скопје, на арената „Тодор Проески“.
