Претседателот на Наполи, Аурелио Де Лаурентис, истакна дека напаѓачот Виктор Осимен и следната сезона ќе игра за неговиот тим.
„Ќе го видиме Виктор Осимен како го носи нашиот дрес и следната сезона, тоа е сигурно. Потоа, ако дојде одлична понуда, ќе продолжиме и ќе најдеме друг врвен талент, како што направивме со Кварацкелија и со Осимен“, изјави Де Лаурентис.
Наполи за Осимен бара 180 милиони евра отштета и тоа засега ги колеба европските гиганти да тргнат конкретно по неговиот потпис.
Осимен минатата сезона успеа да постигне 26 гола на 32 натпревари во Серија А.
