Џон Тери се враќа во Челси

Џон Тери се враќа на „Стемфорд бриџ“ и ќе работи во академијата на Челси, објави тој на Твитер.

„Среќен сум што се враќам дома и работам во академијата, продолжувајќи ја мојата улога во клубот“, напиша Тери.

Џон Тери до неодамна беше помошник на Дин Смит во Лестер, но неговиот договор не беше обновен откако „лисиците“ испаднаа од елитата.

Тери (42) последен пат беше дел од лондончани во 2022 година кога беше советник на тренерите во академијата.