Машала… Билетите за мечот Струга ТЛ – Жалгирис по цена од 1.200 денари

Македонскиот фудбалски првак Струга ТЛ се подготвува за премиерата во квалификациите за Лигата на шампионите. Првиот меч против Жалгирис ќе се одигра на 11 јули во Литванија, а реваншот е седум дена подоцна во Охрид.

Пуштени се во онлајн продажба билетите за реваншот, а Струга ТЛ сака добро да го наплати настапот во квалификациите за ЛШ. Билетите за реваншот кој ќе се одигра на стадионот „Билјанини извори“ во Охрид се продаваат по цена од 1.200 денари, а со секој купет билет навивачите ќе добијат и маица со клупски обележја.