Маскотата на ЕВРО 2024 во Германија ќе го носи името Алберт, соопшти Фудбалската федерација на Германија (ДФБ). Името го избраа навивачите кои гласаа на официјалната веб-страница на Европската фудбалска асоцијација (УЕФА).
ЕВРО 2024 ќе се одржи во десет германски градови од 14 јуни до 14 јули следната година.
Името на плишаното мече е игра на зборови помеѓу Алберт и мечка (Albärt). Собра 32 отсто од гласовите, а преостанатите опции за фудбалските фанови беа Барнардо, Бернхарт и Херци фон Бер.
„Јас сум родител и знам колку е важно да се поттикне детската имагинација. Се надеваме дека оваа маскота ќе биде прифатена како забавен и пријатен лик кој ќе убеди уште повеќе деца да играат фудбал”, изјави директорот на турнирот и поранешен капитен на Баерн Минхен, Филип Лам.
