Серхио Бускетс е нов играч на Интер Мајами. Искусниот шпански играч за врска повторно ќе игра со Лионел Меси, неговиот долгогодишен соиграч од Барселона. Токму ова беше еден од факторите кои одлучија Бускетс да ја избере МЛС – лигата, а не Саудиска Арабија.
Бускетс доаѓа како слободен играч откако му истече договорот со Барса.
Интер Мајами ќе биде само вториот клуб во неговата долга кариера. Тој го имаше своето деби за Барселона во 2008 година како 20-годишник и оттогаш забележа 722 настапи за каталонскиот клуб. Само Лео Меси и Чави Хернандез играа повеќе пати за Барселона.
