Холандскиот дефанзивец Стефан де Фрaј повторно ќе потпише со Интер. Клубот од Милано добил согласност од играчот дека сака да ја продолжи кариерата на „Џузепе Меаца“, а прашање на време е кога двете страни ќе постигнат конечен договор.
Се очекува Холанѓанецот да потпише двегодишен договор до петок.
31-годишниот дефанзивец е во Интер од сезоната 2018/19 и оттогаш е незаменлив стартер во тимот. Во последната сезона одигра 27 натпревари за „нероаѕурите“ во Серија А и постигна еден гол. Тој еден од клучните играчи за тимот да стигне до финалето на Лигата на шампионите.
