Манчестер Јунајтед подготвил понуда за напаѓачот на Ајнтрахт, Рандал Коло Муани, тврди „Билд“. Приоритет во летната селекција на „црвените ѓаволи“ е привлекувањето на централен напаѓач.
На „Олд Трафорд“ ја следат ситуацијата околу Хари Кејн, но се песимисти за шансите да успеат да го добијат и не сакаат таквиот трансфер да се претвори во сага која се одолговлекува цело лето.
Коло Муани минатата сезона постигна 23 гола на 45 натпревари. Интерес за францускиот интернационалец има и од Баерн Минхен и Пари Сен Жермен, а ситуацијата ја следи и Реал Мадрид, кој има потреба од напаѓач по заминувањето на Карим Бензема.
