Гвардиола испиша нова историја – прв тренер што освоил „триплета“ со два тима

Пеп Гвардиола испиша историја освојувајќи ја тројната круна со Манчестер Сити оваа сезона откако во финалето на Лигата на шампионите го совлада Интер (1-0).

Шпанецот стана првиот тренер во историјата кој освоил тројна круна со два различни клуба – Барселона во сезоната 2008/09 година и со Манчестер Сити во тековната сезона 2022/23.

Гвардиола го загуби своето претходно финале во Лигата на шампионите против Челси во 2021 година, но конечно го освои посакуваниот трофеј со Манчестер Сити.