Финалистот во Лига Европа, Рома, размислува за трансфер на напаѓачот на Сасуоло, Доменико Берарди, објавија италијанските медиуми.
Откако во изминатите неколку години беше поврзуван со заминување од Сасуоло, Берарди изгледа решен да го направи тоа реалност во претстојниот летен преоден рок.
Италијанскиот репрезентативец сега има 29 години и бара нов предизвик во поголем клуб.
Според „Кориере дело спорт“, профилот на играчот ги исполнува барањата на тренерот Жозе Мурињо и Рома ќе се обиде да го ангажира.
Рома се надева дека ќе го убеди Сасуоло да ги намали своите финансиски барања со вклучување на некои млади играчи во нивната понуда.
