Шпанскиот гигант Реал Мадрид донесе одлука да го раскине договорот со Еден Азар, една година пред неговиот истек, тврдат шпанските медиуми. По ова, Азар е на чекор да стави крај на активната фудбалска кариера.
Азар не се снајде во Реал Мадрид, никогаш не го оправда епитетот на супер-засилување по доаѓањето од Челси и се мачеше со повреди. Тренерот Карло Анчелоти оваа сезона речиси и да не му даде шанса да настапи на теренот.
Реал Мадрид ќе му ја исплати последната година од договорот, но тој веќе нема да биде дел од „кралскиот клуб“.
