Македонскиот прволигаш Академија Пандев во новата сезона ќе настапува ребрендиран, под името „Брера Струмица“, откако легендарниот македонски фудбалер Горан Пандев за 600.000 евра продаде 90 отсто од акциите на „Брера Холдингс“.
„Брера Струмица е за нас стратешки клуб и прв прволигашки клуб во Европа, јадро за пазарот на светскиот фудбал. Затоа ние правиме напори за брзо да го вратиме клубот на водечките позиции“, изјави Серџо Скалпели, извршниот директор на „Брера Холдингс“.
Струмичкиот клуб е во потрага по нов тренер со оглед дека по завршувањето на сезоната си замина Александар Васоски. Сигурно ќе бидат доведени и неколку нови засилувања, а амбициите на клубот се да се бори за излез на европска сцена.
