Струга ТЛ ја освои историската прва титула шампион на Македонија, откако излезе победник во трката со претходно фаворизираните Шкупи и Шкендија. Срѓан Захариевски наметна победничко темпо за стружани, а кога малку тимот „заглави“, тогаш палката ја презеде Шпетим Дуро и ја истурка работата до крај во шампионски стил.
Шкупи на крајот ја освои втората позиција, додека Шкендија заврши на третото место.
Силекс покажа дека традицијата на клубот игра голема улога дури и при враќање од второлигашка сцена, па организацијата и добрата работа донесоа одлична позиција за кратовци на крајот од шампионатот.
Брегалница исто така имаше успешен финиш, а сигурно повеќе можат Работнички и Академија Пандев.
Скопје ќе игра бараж за Првата лига против Вардар, а Победа е тимот кој се пресели во понизок ранг.
МАКФУДБАЛ го избра најдобриот тим за сезоната 2022/23 во Првата фудбалска лига. Го предводат Срѓан Захариевски и Шпетим Дуро, тренерите кои ја одведоа Струга ТЛ до првата историска титула шампион на Македонија.
МАКФУДБАЛ ТИМ НА СЕЗОНАТА 2022/23 ВО ПРВАТА ЛИГА
- КРИСТИЈАН НАУМОВСКИ (ШКУПИ)
- САВА РАДИЌ (СТРУГА ТЛ)
- ЕГЗОН БЕЈТУЛАИ (ШКЕНДИЈА)
- АРСИМ ЉАМАЛАРИ (СИЛЕКС)
- ФРЕДИ АЛВАРЕЗ (ШКУПИ)
- ИВАН НИКОЛОВ (БРЕГАЛНИЦА)
- РЕНАЛДО ЦЕФАС (ШКУПИ)
- БУЊАМИН ШАБАНИ (СТРУГА ТЛ)
- МАРЈАН РИСТОВСКИ (СИЛЕКС)
- БЕСАРТ ИБРАИМИ (СТРУГА ТЛ)
- САНДЕЈ АДЕТУНЏИ (ШКУПИ)
ТРЕНЕРИ НА СЕЗОНАТА: СРЃАН ЗАХАРИЕВСКИ/ШПЕТИМ ДУРО
