Цела ноќ Неапол ја славеше шампионската титула на Наполи во Италија, но, за жал, веќе се појавија информации за трагичен инцидент. Еден навивач е пронајден мртов откако бил погоден од залутан куршум, веројатно испукан во навивачка еуфорија.
Станува збор за 26-годишниот Винченцо Коспито, кој бил застрелан и во тешка состојба бил пренесен во болница. Подоцна таму починал.
Примени се уште шест лица со различни повреди. Тројца од нив се исто така погодени од огнено оружје, а останатите имаат изгореници на рацете како последица на факели и чадни бомби. Ниту еден од шесте не е во животна опасност. Една госпоѓа била застрелана во глуждот, а маж во задникот.
