Елмас со Наполи го освои „скудетото“ (ВИДЕО)

Елиф Елмас со тимот Наполи стана шампион на Италија. Лидерот во Серија А конечно ја заврши работата откако на гостувањето во Удине одигра 1-1 против Удинезе и на пет кола пред крајот има недостижни 16 бода предност во однос на Лацио.

Ова е прв шампионски трофеј на Наполи по ерата на Диего Армандо Марадона.

THE MOMENT NAPOLI CLINCHED THEIR FIRST SCUDETTO IN 33 YEARS. 🤩 pic.twitter.com/STs0zDQsoS

— CBS Sports Golazo ⚽️ (@CBSSportsGolazo) May 4, 2023

Тоа е прв шампионски пехар и за Елиф Елмас во кариерата во Серија А. Со тоа му се придружи на Горан Пандев како освојувач на „скудетото“.

Удинезе поведе со голот на Санди Ловриќ во 13.минута, но израмни Виктор Осимен во 53.минута и постигна гол за верификување на шампионската титула.