Челниците на Реал отпатувале за Германија за да го убедат Џуд Белингем да направи трансфер во „кралскиот клуб“, тврди „Марка“. И Ливерпул го посакува одличниот играч за врска, но се смета дека Реал моментално е најреална опција за него. „Марка“ додава дека Реал е убеден дека ќе успее да го убеди Белингем да се пресели на „Бернабеу“.
Англичанецот не разгледувал понуди од други клубови, а Реал Мадрид постојано е во контакт со менаџерите на Белингем и со Борусија Дортмунд. Се очекува Реал Мадрид да плати околу 150 милиони евра за 19-годишниот фудбалер.
Белингем пристигна во Борусија летото 2020 година, а денес е еден од најдобрите играчи од средниот ред во светот и еден од капитените на актуелниот лидер во Бундес-лигата.
Трансферот на Белингем треба да го надмине оној на Енцо Фернандез во јануари. Челси за аргентинскиот играч од средниот ред на Бенфика и плати 121 милион евра, а Реал е подготвен да ја надмине сумата во оваа операција и со тоа да испише историја.
