Шефилд Јунајтед е вториот нов член на Премиер – лигата откако синоќа победи со 2-0 во одложениот меч со Вест Бромвич од 38. коло на Чемпионшип и на тој начин се погрижи да не бидат дислоциран од втората позиција во конечниот поредок. Така фудбалерите на Шефилд Јунајтед се приклучија на тимот на Барнли, кој веќе имаше обезбедено промоција и титула во вториот ранг на англискиот фудбал.
Шефилд Јунајтед ја извлече победата со два гола во второто полувреме. Тимот сега има 85 бода, седум повеќе од третиот Лутон, на кој, сепак, му преостануваат само уште два меча до крајот на регуларниот дел од сезоната.
Шефилд Јунајтед следната година повторно ќе игра во елитата на Англија, откако последен пат беше таму во сезоната 2020/21.
