Интер се пласира во финалето на Купот на Италија откако вечерва во реваншот на домашен терен славеше со 1-0 против Јувентус во полуфиналната пресметка. Првиот меч во Торино заврши 1-1, па „нероаѕурите“ ќе бидат дел од битката за трофејот.
Во финалето Интер за противник го очекува подобриот од дуелот меѓу Фиорентина и Кремонезе каде тимот од Фиренца по првиот натпревар има предност од 2-0.
Левиот бек Димарко беше стрелец на победничкиот гол за Интер. Тој ја затресе мрежата на „старата дама“ во 15. минута, а Јувентус немаше одговор до крајот.
