Македонија е на чекор до Европско. Енис Барди беше, знае какво е тоа искуство како дел од младата селекција до 21 година која настапи во Полска. Но, ова е ниво погоре.
Беше одличен во средниот ред, асистент на победничкиот гол што го постигна Дарко Велковски.
„Почнавме под притисок, беше тешко да се влезе во ритам, екипата беше добро поставена, направиме само една грешка, но и по 1-1 продолживме да ја играме нашата игра. Целта беше јасна, само да победиме и да одиме во финале. Македонија е гладна за да одиме на Европско првенство. Ова е добар печат пред натпреварот со Грузија, сите даваме се од себе и буквално се ќе оставиме на терен на тој меч. Знам дека ќе успееме“, изјави Енис Барди.
