Пишува: Никола Ѓуровски
Еден ден си на врвот, победата носи радост, прослава со тапани и почит од навивачите. Но, реномето не смее да се урива само три дена подоцна против репрезентација која реално е неколку класи послаба од Македонија. Заморот го направи своето, некои фудбалери мораше да добијат одмор, но тие што добија шанса да бидат стартери во Талин мораа многу подобро.
Мора да се обидат да го следат темпото на Пандев, Барди, Адеми, Несторовски…Затоа што успехот многу брзо се заборава, а секој последен натпревар е тоа за што се зборува. Пред мечот со Грузија во Скопје, ова реми против Естонија треба да биде добра поука за сите во националниот тим. Победите не доаѓаат сами од себе, дури и кога противниците си даваат смешни автоголови.
