Тренерот на Рома, Жозе Мурињо, се пожали на својот состав по сензационалната елиминација од Кремонезе во Копа Италија. Римската „волчица“ испадна откако загуби на домашен терен со 1-2.
„Сега треба да се фокусираме на следниот натпревар, но сепак треба да запомниме дека во овој тим тешко можеме да ротираме, особено кога играме три натпревари неделно“, се пожали Мурињо.
„Против Наполи заслуживме многу повеќе од пораз затоа што одигравме одличен натпревар. Бев горд на мојот тим. За овој меч, сепак, не можам да го кажам истото“, додаде тој.
