Раководството на Реал Мадрид ја одби понудата на Пари Сен Жермен за Марко Асенсио.
Парижаните сакаа да го ангажираат Шпанецот, со оглед дека актуелниот договор му истекува во јуни.
Одговорот од „кралскиот клуб“ беше негативен, а од „Сантијаго Бернабеу“ истакнуваат дека имаат намера да го обноват договорот со Асенсио.
Играчот исто така сака да остане во Реал Мадрид, иако е поласкан од интересот на ПСЖ.
Пред неколку дена беше објавено дека Реал и Марко Асенсио постигнале начелен договор за рокот на новиот договор, но, сепак не се согласуваат за висината на платата.
