Раководството на Баерн Минхен ќе разговара со Мануел Нојер за намалување на неговата плата, откако тој ќе биде надвор од терените барем до крајот на сезоната, информира „Билд“. Чуварот на мрежата ја скрши ногата на скијање, а Баварците не го кријат незадоволството што капитенот презел ваков ризик.
Поради повредата на Нојер, Баерн беше принуден да го купи Јан Зомер од Борусија Менхенгладбах за 8 милиони евра. Покрај тоа, швајцарскиот репрезентативец ќе добива околу 5 милиони евра по сезона на „Алијанц арена“.
„Секогаш разговараме за такви работи со самиот фудбалер“, изјави извршниот директор Оливер Кан.
