Брегалница ги започна подготовките со новиот кормилар Горан Здравков

Македонскиот прволигаш Брегалница ги стартуваше подготовките за вториот дел од сезоната. Новиот шеф на стручниот штаб Горан Здравков го одржа првиот тренинг на кој беа присутни и новите засилувања Давид Калпачки и Зоран Андонов. Отсутен беше само репрезентативецот од Уганда, Халил Лвалива.

Во Штип тимот ќе работи до 25.јануари, а потоа се сели во Охрид каде ќе биде одработен централниот дел од подготовките. Закажани се и седум пријателски натпревари, а генералката е на 12.февруари против Беласица на Градскиот стадион во Штип.