Брегалница ги закажа пријателските натпревари преку кои ќе се подготвува за пролетниот дел од првенството на Македонија. Штипјани ќе играат со Академија Пандев и со Тиквеш на 19 јануари и на 24 јануари.
Потоа тимот ќе отпатува во Охрид на 26 јануари. Два дена подоцна Брегалница ќе игра со Воска Спорт, на 31 јануари ќе ги одмери со Караорман, на 1 февруари со Охрид, на 5 февруари ќе игра против Пелистер, а генералката е закажана за 12 февруари против Беласица.
Нов шеф на стручниот штаб на Брегалница е Горан Здравков, а нови засилувања се Калпачки и Андонов.
