Фудбалската репрезентација на Македонија до 18 години и се реваншира на Словачка со триумф (3-1) на вториот тест во Штип. Избраниците на селекторот Тони Јакимовски овојпат одиграа многу подобро и стигнаа до успех.
Андријан Зенделовски од пенал донесе предност за Македонија пред крајот на првиот дел, а Теодор Николовски зголеми на 2-0 на почетокот од второто полувреме. Јакуб Мурко постигна гол за Словачка, а третиот гол за Македонија беше дело на Марко Стојилевски во 77.минута.
