Белгискиот напаѓач Ромелу Лукаку продолжува да не тренира со топка, пренесуваат медиумите во земјата. Напаѓачот на Интер беше повикан во тимот за Светското првенство во Катар и покрај тоа што беше оптоварен со проблеми со повреди од почетокот на сезоната.
Тој заработи повреда на мускулот на крајот на август и оттогаш имаше само два настапи. Лукаку заработи уште една повреда против Сампдорија на 29 октомври и продолжува со лекувањето, само вежбајќи во теретана.
Се очекува тој да помине уште една серија медицински тестови, но наместо тоа Белгијците утре ќе заминат во нивниот камп во Кувајт.
Мартинез има уште една недела да донесе конечна одлука дали ќе го задржи Лукаку во официјалниот состав за Светското првенство во 2022 година или ќе го замени со друг играч.
