Лидерот на табелата во Премиер – лигата, тимот на Арсенал оствари триумф (0-2) на гости против Вулверхемптон и ја зголеми предноста во однос на второпласираниот Манчестер Сити на пет бода. Сега следи пауза од еден и пол месец во англискиот шампионат, а Микел Артета може задоволно да ги следи настаните на Светското првенство.
Арсенал доминираше на дуелот со Вулверхемптон, а домаќинот издржа едно полувреме. На почетокот на вториот дел Мартин Одегард донесе водство во 55.минута, а потоа и ја потврди победата со својот втор гол во 75.минута.
