Македoнскиот репрезентативец Ердал Ракип, кој беше најавуван како сериозно „засилување“ за А-тимот на Македонија, затоа што играл во шведскиот Малме, побарал „брејк“ од националниот тим. Образложението кое го добил селекторот Благоја Милевски е дека тој не се чувствувал како дел од тимот.
А всушност причината е јасна, Ердал Ракип не успеа да се наметне со квалитет крај Барди, Адеми, Елмас, Николов, Спировски, во средниот ред на фудбалската репрезентација.
„Кога играч ќе каже дека сака пауза од репрезентација, тогаш едноставно го прашувате која е причината? Ни една друга причина не беше наведена во разговорот. Едноставно, соопшти дека не се чувствува како дел од тимот. Во ред, јас тоа го почитувам и веќе нема да добива повик за Македонија. Ние можеме да дадеме шанса, а се друго е на самите фудбалери, дали се чувствуваат како дел од тимот или не. Околу конкуренцијата, тој според квалитетот заслужи повик меѓу репрезентативците, но за настап треба да се избори и докаже на секој тренинг“, изјави селекторот Благоја Милевски.
