Работнички беше можеби и најактивен на трансфер – пазарот во овој зимски преоден рок. Заминаа голем број фудбалери, но и дојде речиси цел еден нов тим. Тренерот Жикица Тасевски се обиде тоа да го вкомпонира за време на подготовките во Анталија, а првиот тест „романтичарите“ ќе го имаат в недела против Ренова на домашен терен.
Според најавите, подготвени се за предизвикот. Го вратија искусниот Баже Илијоски кој ја презеде и капитенската лента, а тука се и Дејан Блажевски, бугарските интернационалци Вијачки и Дилгеров, Бразилецот Кабрал…Се врати и Горан Силјановски, но тој поради повреда нема да може да им помогне на соиграчите.
