Илија Несторовски, напаѓачот на Удинезе, ќе се врати во селекцијата на Македонија за претстојните пријателски натпревари против Азербејџан и против Финска. Тој во минатото беше еден од големите адути на нашиот национален тим, но сериозно се повреди и не можеше да учествува на Европското првенство.
Откако се опорави, тој оваа сезона се врати во тимот на Удинезе, па иако најчесто е резерва, сепак, селекторот Благоја Милевски ќе му даде шанса за камбек во репрезентативниот дрес.
Несторовски последен пат играше за Македонија во март 2021 година и постигна гол против Лихтенштајн. Тој има вкупно 46 настапи за фудбалската репрезентација на Македонија и десет постигнати голови.
