Федерико Киеза вечерва првпат по тешката повреда на коленото конкурира за тимот на Јувентус. Италијанецот во јануари ја доживеа најтешката можна повреда на лигаментите на коленото, поради што мораше да паузира 10 месеци.
Масимилијано Алегри го објави списокот на играчи за вечерашниот натпревар со Пари Сен Жермен, во кој се наоѓа и Киеза.
Јувентус сепак ќе биде десеткуван, ќе ги нема Ди Марија, Влаховиќ, Моизес Кин, Паредес, Бремер, Данило, а се очекува Киеза да добие мала минутажа на крајот од натпреварот за да го официјализира своето враќање на терените.
