Капитенот на Ајакс и Србија, Душан Тадиќ, е миленик на менаџерот на Ливерпул, Јирген Клоп. Германецот призна дека сакал да го има офанзивниот играч во својот тим од „Енфилд“.
„Бев многу лут на себе кога Душан го напушти Саутемптон во Ајакс во 2018 година. Тогаш и јас го сакав бидејќи ми се допаѓа како играч“, изјави Клоп за холандскиот канал „RTL“.
Тадиќ за гигантот од Амстердам има 94 гола на 209 натпревари, а 19 од погодоците се во европските натпреварувања. За помалку од еден месец 33-годишниот фудбалер ќе игра со Србија на Светското првенство во Катар.
