Англискиот премиерлигаш Астон Вила експресно се договори со Унаи Емери да биде нов менаџер на тимот. Раководството на клубот ќе плати 6 милиони евра и ќе ја активира отштетната клаузула во неговиот договор со Вилјареал, а тој ќе потпише петгодишен договор со клубот од Бирмингем.
Унаи Емери доаѓа во Астон Вила како наследник на Стивен Џерард кој замина откако имаше лоши резултати со тимот на почетокот од сезоната. Тој ќе заработува 7 милиони евра по сезона во англискиот клуб.
Eмери се враќа во Премиер – лигата каде од август 2018 до ноември 2019 година го предводеше Арсенал.
