Реал Мадрид нема да може да се потпре на Лука Модриќ за гостувањето кај Лајпциг во утрешната пресметка од петтото коло во групната фаза во Лигата на шампионите. Хрватскиот интернационалец беше вклучен во составот, но почувствува проблем на последниот тренинг на тимот и нема да биде дел од тимот.
Карло Анчелоти нема да може да смета и на Феде Валверде, кој доби силен удар на крајот од мечот против Севилја, како и на Карим Бензема, Дани Себалјос и Маријано Дијаз.
Модриќ најверојатно утре ќе ги направи медицинските тестови, по што ќе биде јасно колку време ќе биде надвор од терените.
