Барселона размислува за смена на Чави, а претседателот Хоан Лапорта веќе има три кандидати за негов наследник, пишува шпанскиот весник „Ел Насионал“. Раководството на каталонскот клуб е незадоволно од двата последни резултати кои комплетно ја променија перспективата.
Барселона е пред испаѓање од Лигата на шампионите по ремито со Интер (3-3) на домашен терен, а го загуби и од Реал Мадрид со 3-1 во Ел Класико.
Чави ја презеде тренерската позиција на Барселона пред неполна година од Роналд Куман, а има полши резултати од него. Во меѓувреме, Барселона доведе неколку звучни засилувања на „Камп Ноу“.
За најверојатен наследник на Чави е претставен Томас Тухел, германскиот стратег кој до неодамна го водеше Челси. Второто име на листата е Марсело Гаљардо, кој си заминува од Ривер Плата по осум сезони, а третата, и најмалку веројатна опција, е Јирген Клоп, актуелниот менаџер на Ливерпул.
