Напаѓачот на Пари Сен Жермен, Килијан Мбапе, не е задоволен од трансферната политика на парискиот клуб, пишува „RMC Sport“. 23-годишниот Французин негодува што ПСЖ не донесе типичен центарфор во летниот преоден рок.
По ова прашање напаѓачот се согласува со спортскиот директор на парижаните, Луис Кампос, кој во едно неодамнешно интервју изјави дека трансфер кампањата на клубот не била една од најуспешните.
Во исто време, сличен став изрази и првиот човек на тимот Кристоф Галтие, кој рече дека раководството на клубот сакало да ангажира играч за засилување на нападот, но тоа не се случило.
Мбапе оваа сезона постигна 10 гола на девет натпревари за парижаните во сите натпреварувања.
Неговиот договор со клубот е до 30 јуни 2025 година.
По осум кола од Лига 1, ПСЖ има 22 бода и се наоѓа на првото место на табелата.
