Баже Лазаревски е изборот на раководството на Работнички за нов шеф на стручниот штаб на „романтичарите“, откако во текот на вчерашниот ден оставка од тренерската функција си поднесе Жикица Тасевски. Лазаревски е координатор на младинската школа на Работнички, долг период работи со младинската академија, a сега ќе добие шанса и со првата екипа на поранешниот шампион.
Од управата на ФК Работнички информираат дека асистенти на Лазаревски, кој ќе остане на клупата најмалку до крајот на сезонава, ќе бидат Томислав Франц, Славчо Георгиевски и Драги Атанасовски.
Баже Лазаревски ќе дебитира на клупата на „романтичарите“ на неделниот натпревар против Македонија ЃП.
