Алтернативните решенија не помогнаа, Пол Погба се обиде да тренира, не можеше, коленото му е проблематично и Јувентус денеска донесе одлука Французинот да биде опериран.
Не се знае колку време ќе треба да отсуствува Погба, но би можело да се претпостави дека под знак прашалник е и неговиот настап на Светското првенство во Катар, кое започнува за два и пол месеци.
Погба мора да оди на операција на менискусот, по што следува нов период на рехабилитација, а наскоро се очекуваат подетални информации.
За овој тип на операција, заедно со рехабилитацијата, е потребна пауза меѓу два и три месеци, па јасно е дека шансите Французинот да го пропушти Мундијалот се многу поголеми отколку да биде во авионот за Катар. .
Во најдоброто сценарио, наводно, со забрзана рехабилитација би можел да се врати за шест недели, но и тогаш е прашање каква физичка форма би можел да биде во ноември.
Погба летово по шест години се врати во Јувентус, но допрва треба да дебитира, бидејќи веднаш се повреди.
