Хадсон – Одои на позајмица во Баер Леверкузен

Фудбалерот од средниот ред на Челси, Калум Хадсон-Одои, оваа сезона ќе игра како позајмен играч во Баер Леверкузен, објавија британските медиуми. Двата клуба постигнаа договор, 21-годишниот играч од средниот ред отпатува за Герамнија на медицински прегледи и потоа ќе потпише со Баер Леверкузен.

Договорот е до јуни 2023 година, без опција за купување. Хадсон-Одои не добиваше доволно време за игра во Челси и затоа побара да си замине. Претходно, тој беше цел и на Баерн Минхен, но Челси одби да го продаде.