Македонскиот прволигаш Македонија ЃП доведе големо засилување при крајот на летниот преоден рок. “Лавовите” го регрутираа Ѓорѓи Стоилов кој беше слободен агент по заминувањето од Шкупи.
Стоилов треба да ја пополни празнината во средниот ред на Македонија ЃП која се појави со трансферот на Сефер Емини во Сондерјиске. Стоилов сигурно ќе биде големо засилување за составот на Муарем Бајрами.
