Прв пораз за Столе Димитриевски и компанија: Мајорка го победи Рајо

Рајо Ваљекано го забележа првиот пораз во новата сезона од Ла Лига. Интересно, Столе Димитриевски и соиграчите не загубија на двете гостувања во Барселона, на „Камп Ноу“ и против Еспањол, но горчината на поразот го почувствуваа на првиот натпревар на домашен терен.

Мајорка дојде во Мадрид и го совлада Рајо Ваљекано со 0-2. Ведат Муричи и Ли Канг-ин успеаја да го надмудрат Столе Димитриевски на голот на домашниот тим.