Европскиот првак Реал Мадрид ќе ја почне одбраната на титулата во Лигата на шампионите во група со Лајпциг, Шахтјор Доњецк и со Селтик. Вака одлучи денешниот ждреб за елитното европско клупско натпреварување.
„Група на смртта“ дефинитивно е групата Ц каде се наоѓаат Баерн Минхен, Барселона, Интер и Плзен. Роберт Левандовски ќе се врати во Минхен, како играч на Барселона.
Во новата сезона од Лигата на шампионите ќе учествуваат и тројца македонски репрезентативци, Елиф Елмас со Наполи и Аријан Адеми и Стефан Ристовски со Динамо Загреб.
Наполи е во групата А, заедно со Ајакс, Ливерпул и со Глазгов Ренџерс.
Динамо Загреб е аутсајдер во групата , каде се уште и Милан, Челси и Салцбург.
СИТЕ ГРУПИ ВО ЛИГАТА НА ШАМПИОНИТЕ
Група А: Ајакс, Ливерпул, Наполи, Глазгов Ренџерс
Група Б: Порто, Атлетико Мадрид, Баер Леверкузен, Клуб Бриж
Група Ц: Баерн Минхен, Барселона, Интер, Плзен
Група Д: Ајнтрахт Франкфурт, Тотенхем, Спортинг Лисабон, О. Марсеј
Група Е: Милан, Челси, Салцбург, Динамо Загреб
Група Ф: Реал Мадрид, Лајпциг, Шахтјор, Селтик
Група Г: Манчестер Сити, Севилја, Борусија Дортмунд, ФК Копенхаген
Група Х: ПСЖ, Јувентус, Бенфика, Макаби Хаифа
