Македонскиот репрезентативец Енис Барди пристигна во Трабзон за да го реализира трансферот во турскиот шампион Трабзонспор. Тој во текот на денот треба да ги мине медицинските прегледи и да потпише тригодишен договор со клубот.
„Многу сум среќен што ќе бидам дел од шампионски тим. Многу сум среќен што сум тука. Останува да ги средам сите детали и потоа да се видам со мојот нов тренер и моите нови соиграчи“, рече Барди.
