Каспер Шмајхел е буквално најголемата легенда, можеби и во историјата на Лестер, но летово ќе го напушти клубот. Звучи неверојатно што Лестер сам се откажува од капитенот, кој во клубот пристигна во 2011 година.
Данецот израсна во Манчестер Сити, но не доби шанса на „Итихад“, па замина на позајмица во пониските лиги, се истакна во Нотс Каунти, од каде Лидс го донесе во 2010 година. По една сезона во Лидс, се јави Лестер и историјата започна.
Лестер успеа да се врати во Премиер – лигата благодарение на Шмајхел, во сезоната 2014/15, а веќе во следната сезона Лестер ја доживеа најубавата бајка со него на голот – ја освои титулата.
Сега има 35 години, а Ница му нуди тригодишен договор и тоа тешко се одбива.
