Новото засилување на Барселона, Жул Кунде, истакна дека тренерот Чави го убедил да дојде на „Камп Ноу“. Францускиот дефанзивец истакна дека трансферот во Барселона за него е огромен чекор напред во кариерата.
„Многу сум горд и благодарен за оваа можност. Возбуден сум бидејќи пристигнувам во голем клуб. Едвај чекам да се сретнам со моите соиграчи и да почнам да играм. Севилја е исто така голем клуб, но Барселона е огромен чекор напред во мојата кариера. Сакам да се борам за сите трофеи. Тренерот Чави е една од главните причини поради кои сум тука. Разговарав со него неколку пати. На ист начин гледаме на фудбалот“, изјави францускиот репрезентативец Жул Кунде.
