Францускиот првак Пари Сен Жермен сака подолго да го задржи Лионел Меси, а во оваа насока веќе планира да му понуди нов договор, пренесува „Марка“. Напаѓачот е врзан за клубот само уште една сезона, но раководството веќе ја споделило со него подготвеноста да го продолжи договорот до 2024 година.
Аргентинецот има 35 години и неговата последна сезона беше далеку од силна според негови стандарди, но парижаните се убедени дека неговото најдобро во Париз допрва доаѓа.
Покрај тоа, клубот пријавува одлични приходи од рекламирање и продажба на производи како резултат на потписот на Меси.
Минатата сезона ПСЖ продаде над 1 милион дресови, што е првпат во историјата. Дури 60% од нив биле со името и бројот на Лео Меси. Приходите од реклами се зголемени за 13% поради ангажманот на 10 нови спонзори.
