Англискиот првак Манчестер Сити го доведе норвешкиот голгетер Ерлинг Халанд ова лето, а Реал Мадрид планира да го купи по две години. Медиумите на Островот успеаја да ги откријат двете откупни клаузули во неговиот договор со „граѓаните“.
Првата откупна клазула може да биде активирана во 2024 година, тогаш Халанд може да замине ако некој клуб за него плати 200 милиони евра.
Втората клазула важи една година подоцна и за неа откупната клазула е 175 милиони евра. Станува збор за големи суми, но со оглед на квалитетот и потенцијалот што го има Ерлинг Халанд, сосема реално.
Англиските закони не дозволуваат класична откупна клазула, но тие се поврзани со одреден ефект на теренот, а поставените услови за Халанд се лесно остварливи.
