Бесмир Бојку уште две години во Струга Трим Лум

Македонскиот прволигаш Струга Трим Лум го задржа играчот за врска Бесмир Бојку во својот тим. Тој потпиша нов двегодишен договор со клубот.

Бојку дојде во Струга минатото лето и одигра 30 натпревари, а успеа да забележи два гола и три асистенции.

Стружани успеаја ова лето да доведат големо засилување во нападот. Нов член на Струга ТЛ е Бесарт Ибраими, најдобриот стрелец во историјата на македонските шампионати.